好認真學！王鎮泉教狄維講《功夫》金句
20180714
東網電視
更多新聞短片
狄維好有資格講呢句說話！
無綫娛樂主播王鎮泉（Jeoffrey）早前與來港宣傳新片的荷里活動作巨星「The Rock」狄維莊遜（Dwayne Johnson）、加拿大女星莉芙金寶（Neve Campbell）、新加坡男星黃經漢以及導演Rawson Thurber等人做專訪。早前狄維莊遜在活動上扮識聽廣東話逗鄭裕玲開心，今次Jeoffrey就教狄維莊遜真正廣東話，他笑言：「我教咗莉芙金寶『我今日靚唔靚呀？』同狄維莊遜『你見過沙煲咁大個拳頭未？』佢兩個意想不到地講得好標準，我一開始攞塊拼音板出嚟嘅時候，狄維莊遜非常雀躍以為我有禮物送俾佢，知道唔係之後即刻露出失望表情，好好笑！」
見偶像勁開心
Jeoffrey又表示今次最開心是可以跟莉芙金寶見面傾偈，因他是《奪命狂呼》系列電影的忠實粉絲，沒想到多年後可以跟系列電影女主角作近距離接觸，他笑言：「不過我忍住咗冇同佢講『我細細個就好鍾意睇你做戲㗎喇！』」Jeoffrey更與黃經漢大談亞洲演員在荷里活如何立足，他表示：「佢喺《蝙蝠俠》、《攻殼機動隊》等好多荷李活電影都有好重戲份，黃經漢話演亞洲人時最緊要『準確』，唔想畀人誤會亞洲人嘅形象，唔好盲目附和一啲不實的東方人演繹。」
----------------------------
東網巨星開咗ig喇，大家快啲follow啦！