佛系操肌！張繼聰中核輻射身形巨變
20180714
東網電視
更多新聞短片
連買衫都撞到李佳芯！
藝人張繼聰近期為咗嚟緊嘅新戲，努力操肌，大家都大讚佢嘅認真專業態度。呢日佢就喺社交網晒出一張做gym相，相中見到佢跪在地上，雙手擺喺胸前好似想拜神咁款，唔通佢想嚟個佛系操肌法？佢仲話：「瞓得夠充足，操到漲（脹）卜卜！」
隨後，佢又上載咗張去買衫巧遇好友李佳芯合照，並留言：「由於中咗核輻射，個身不停變大要不停買衫，今日喺鋪（舖）頭竟然偶遇Ali，見佢晚晚都要湊BB，仲要同奶奶大鬥法，本來都有啲擔心佢，不過今日見佢容光煥發，仲鬼火咁靚，即時放心哂！兩位店長非常照顧尚家兩姊弟。」似乎阿聰即使工作忙碌，都依然支持Ali新戲，果然夠晒朋友呀！
----------------------------
東網巨星開咗ig喇，大家快啲follow啦！