史嘉娜辭演變性人　因被轟非真正變性人

荷里活性感女神史嘉娜祖漢遜（Scarlett Johansson）挑戰演技，早前宣布將主演傳記片《Rub and Tug》，飾演變性淫業大亨Dante "Tex" Gill，不過卻惹來變性人團體批鬥，指史嘉娜不是變性人，是「順性別人士」，沒有資格演一個變性人。

史嘉娜被逼辭演，接受《Out》性小眾雜誌訪問時表示：「基於最近由我飾演Dante Tex Gill引起嘅道德問題，我決定好尊重咁退出呢個計劃。我哋文化對變性人士嘅理解繼續加深，而我喺第一次宣布演出後，亦從佢哋團體學到好多嘢，明白自己係唔夠敏感。」

不過網友批評荷里活極端左翼思維氾濫，有人質疑：「唔通我演農夫我真係要係農夫？」亦有人對史嘉娜沒有企硬感到失望：「佢向小眾跪低，而唔係以理服人。」

Dante "Tex" Gill出生性別是女性，但覺得自己是男性，要別人稱呼自己為「先生」，擁有女性戀人。Dante於70到80年代經營妓女生意，惡名昭彰。