學嘢啦！張繼聰教仔仔溝女心得
20180714
東網電視
更多新聞短片
張繼聰有同仔仔交流溝女心得。
藝人張繼聰（阿聰）及麥明詩到銅鑼灣出席活動。談到暑假，阿聰即笑說：「我忙緊拍戲，好彩仔仔有足球比賽、又同啲同學有節目，反而我想爭取時間見多啲個女，佢又早瞓，如果我返工返到去佢瞓咗，我好失落，依家有初戀嘅感覺，我同囡囡感情好深厚。」阿聰又表示與仔仔似兄弟，有交流溝女心得：「我叫佢玩多啲，但結婚就要專一嘞。有時我去接放學見到啲外籍女同學，叫個仔去識吓人，國際化啲，做啲我做唔到嘅嘢，無奈佢比較鍾意中國同學！」麥明詩則插口說：「我媽咪都好早灌輸呢方面嘅嘢畀我，但教我揀男仔要敦厚，同埋唔好為男仔放棄一切！」
搵另一半睇內涵
談到日前接獲表姐花球，麥明詩謂：「夾咗叫佢畀我嘅，係女仔都恨嫁，差在幾歲啫。我表姐大我兩歲，有啲壓力，不過我想30幾歲先完成人生大事，同埋一定唔會閃婚，我想玩多啲先。」自言拍過3次拖的她，表示會積極物色下一個，又指自己欣賞內涵多於外表。
----------------------------
東網巨星開咗ig喇，大家快啲follow啦！