突然升Cup騷長腿 楊曉穎爆房誘男
20180718
東網電視
更多新聞短片
楊曉穎為了谷寫真卡出絕招，「爆房」Call男粉絲聚會。
名模陳嘉容師妹楊曉穎（Sharon）繼去年推出雙人寫真集後，今年首次推出個人寫真卡，在銅鑼灣租下一個單位，布置成閨房，將相約十位男粉絲一同「入屋」high tea，她說：「咕?都喺屋企拎嚟，布置到好似自己屋企咁，我喺屋企會着住睡衣、開住音樂、整吓蛋糕，一陣同佢哋影吓相。（做佢哋一日女友？）唔得，分唔到十個身。（介意自己得A Cup身材？）冇A咁誇，其實着B Cup Bra，我好Proud Of A（為A Cup驕傲），平時唔鍾意着Bra，鍾意Free啲，做Model胸太大冇Job，有Job最開心。（會唔會隆胸？）唔需要，男仔鍾意女仔唔一定胸大，我有長腿。」
對於今年寫真戰有H Cup楊嘉文來勢「胸胸」，Sharon則說：「佢行路會唔會好辛苦？自己唔同啲?模，我就覺得楊思琦本寫真好靚，佢係選美前輩，我都係選美出身。（曾參加過環球小姐、國際小姐、中國小姐）好想睇。」
寫真卡的男模ice及形像指導許嘉浩（Karl）亦有出席撐場，她說今次好多謝Karl，講到眼濕濕：「佢幫我去大陸睇印刷，去咗3、4次，真係好多謝佢。」
----------------------------
東網巨星開咗ig喇，大家快啲follow啦！