【港姐冠軍秘聞】楊思琦自爆同李嘉欣有親
20180718
東網電視
更多新聞短片
原來有咁嘅關係！
書展開鑼，不少推出寫真女星都各出奇謀應戰。八月就踏入四十歲嘅前港姐冠軍楊思琦，首次推出寫真除以性感吸納讀者外，書中仲大爆鮮為人知嘅秘史。入面寫佢嘅家族中唔只佢一個有港姐冠軍殊榮，原來1988年香港小姐軍李嘉欣都係佢「親戚」，楊思琦話李嘉欣係佢姑媽嘅姨甥女，雖然大家就唔係好熟，不過偶然喺啲家族聚會都會見到面。除咗爆出同李嘉欣有親戚關外，仲大耍友情牌，搵到薛家燕、曾志偉同陳志雲幫佢寫序。
楊思琦又講番點解當年去選港姐，佢話原來係佢阿媽推佢去，當時自己都自問：「咁嘅樣，點選美啊？」書入面仲講埋自己嘅感情觀，現為單親媽媽嘅佢，原來一直都有追求者，不過就冇適合人選出現，感情仍在空白階段。對於另一半嘅條件，佢話對方外貌係其次，最重要係愛佢同佢個寶貝女，經濟方面亦冇話要咩富豪，唔係話要有好多物業嗰種，但起碼對方可以自己顧掂自己，唔使佢反過來去照顧對方，佢話依家愛情依然期待但只能隨緣咁話。
----------------------------
東網巨星開咗ig喇，大家快啲follow啦！