娶細廿年女友 韋家雄擬結婚通知書曝光

20180720
東網電視
更多新聞短片
今次真係搞掂晒喇!

藝人韋家雄十月六日便與拍拖數個月、比他年輕近廿年的女友鄧楚雅(Keynes)拉埋天窗。二人日前正式入紙排期註冊,其擬結婚通知書亦正式曝光。韋家雄報稱地址為將軍澳區,而女友則報稱寓所在屯門區及任職接待員。

家雄將於旺角帝景酒店設婚宴,他接受東網訪問時表示現忙於拍攝無綫劇集《牛下女高音》,但一有時間就會搞婚禮事宜。他謂:「其實都有好多嘢未搞,自己都忙緊,好辛苦先搵到酒店場地,印帖未搞,仲要搞過大禮啲嘢!」而太太Keynes那天當然要靚靚示人,故近日都忙於揀婚紗,問到家雄會否給意見時,他笑謂:「佢鍾意就得,始終都係要佢自己心頭好。」相信未來老婆聽到都會冧到漏呀!