【行名店混吉】姚子羚龔嘉欣行秘道閃人
20180720
東網電視
更多新聞短片
姚子羚（左圖）與龔嘉欣（圓圖）齊齊出動！
無綫花旦姚子羚自與富貴男友「的士邦」甩拖後，衣、食、住、行即打回原狀，除搬離男方位於赤柱紅山半島的豪宅外，過往出入有司機接載的她，亦回復「貼地」生活，早前被拍得慳家搭港鐵。
日前下午，子羚在黃埔接受電台訪問後，與女助手步出，第一時間查看手機低頭覆短訊，之後到附近商場行街，期間途經一間正在做大減價的時裝店，她即入內選購，睇完衫又睇裙，埋頭密密揀，並拿着一條淺藍色的連身短裙拼上身埋鏡照。之後她又摷平貨，未幾已購下心頭好，助手負責拿着大袋戰利品走人。
其後她們乘租車前往尖沙咀，子羚在街頭會合一男友人，傾談幾句後，男友人先行離開，之後再在該處一間Cafe會合，同場還有好友龔嘉欣。
逗留約半小時，她步出時見到有記者，即孖住嘉欣及女友人到附近名店行逛，期間睇鞋又睇手袋，更不時埋鏡左照右照，即使被途人眼望望，她一樣「交足戲」繼續試，而嘉欣則向店員詢問，不過擾攘完一輪後由秘道離開。
----------------------------
東網巨星開咗ig喇，大家快啲follow啦！