【點分身？】古天樂自爆有超過十個女朋友
20180722
東網電視
更多新聞短片
古天樂嗰十幾個女友係喺戲入面咋！唔知周秀娜有冇份呢？
影帝古天樂（古仔）與苗僑偉及周秀娜等出席新戲開鏡儀式，古仔表示今次要以長髮、留鬚Look上陣，戲中角色身體亦會有缺憾，今日他更抱恙上陣：「都係普通傷風感冒啫，不過今次我喺戲裏面有超過十個女友，係入行以嚟最多嘅一次。（個個都有親熱戲？）係。（床戲呢？）咁又冇！」
十幾廿年冇搭港鐵
講到電影公司搭建了一比一的中環港鐵站開工，古仔表示：「有十幾二十年冇搭過港鐵，叫我去搭都唔識，因為有好多條線。（出埠會試搭？）會，因為外國塞車好得人驚，尤其係泰國同北京等地。」談到日前有小行星以他的名字命名，古仔表示：「起初聽到唔識反應，冇諗過有粒星係自己個名，後嚟就覺得好榮幸，第二時同家人講吓，都係個好好嘅紀念。」
周秀娜有個仔
而周秀娜於戲中有個「生得同自己差唔多高嘅仔」：「試造型嗰日都嚇一嚇，佢起碼十幾歲。（接受到？）拍戲冇問題啦。」她自言至今仍有搭港鐵的習慣：「試過搭晒成條線，車程咁耐梗係瞓吓啦，點知瞓到唔知醒，有廣播先識落車！」苗僑偉則相當貼地，經常以真面目搭港鐵，問到可會怕遭粉絲包圍集郵，他答：「冇所謂，人哋畀面啫。」
----------------------------
東網巨星開咗ig喇，大家快啲follow啦！