認清事實！克勤被叫TVB契仔：以為呢個係讚

陳志雲舉行一連四場演嘢會，每晚除有王喜做嘉賓外，第三場請來另外兩個樂壇好友張敬軒和李克勤任嘉賓，大熱天時的軒仔竟穿着大褸造型，還以為他趕穿秋季新裝，原來是身體抱恙，他演唱了一首《青春常駐》之後志雲出場多謝他身體不適都來支持他，但依然唱得很好。

克勤突然被叫上台

之後志雲向觀眾表示克勤都在台下捧場更即興要他上台，戴上Cap帽全黑便服打扮的克勤盛情難卻：「下次叫我上嚟早啲講，等我着得好少少先！」志雲稱當年志雲飯局唯獨他做了三集，克勤笑言：「唔係點樣叫TVB契仔呀，我以前以為呢個係讚，但最親係親生仔，跟住到收養嗰啲，之後先到契仔，契仔連遺產都冇得分架嘛，上咗三集志雲飯局，但要等廿年先攞到『最受歡迎男歌星』。」

面試港姐扮綁鞋帶

志雲稱記得他拍完第一集後便和盧淑儀結婚，笑他好彩，若現在港姐揀對象應難選很多。克勤笑言：「你唔喺嗰度做你講乜都得，我唔知會唔會返去架嘛，你講今年嗰屆？」志雲謂不單是今年，以前港姐面試的質素，他和何麗全常扮綁鞋帶因忍不到笑：「心諗咁都嚟！」之後克勤唱了幾句《球迷奇遇記》，志雲即說準備了一首歌要他唱，克勤謂：「咩歌嚟，我年紀大怕唔記得歌詞。」志雲叫克勤學校長譚詠麟忘詞便遞咪給觀眾去唱，克勤轉述阿倫曾言並非是忘記歌詞，是刻意的，因歌迷買飛是想看他這一面，是Rundown一部分。之後便唱出《失魂記》，克勤笑稱在沒有準備下，唱得不好大家勿介意。