好耐冇見!何韻詩書展捕獲陳文媛

20180724
東網電視
更多新聞短片
何韻詩(右)喺書展撞番陳文媛,回憶即刻返晒嚟!

藝人何韻詩近期出入書展支持佢爸爸何德星(菇爹)出嘅新書。點知喺書展撞番認識年多嘅好朋友、久未露面嘅前藝人陳文媛(BoBo)!佢兩個仲咁啱同樣着藍色衫現身,真係心有靈犀。機會咁難得就梗係要影張合照啦,何韻詩喺社文網上載張搭晒膊頭嘅合照,見兩個笑容一致真係合拍,佢留言話:「哇痴(黐)線,咁都俾(畀)佢撞到我,陳BoBo啊各位同學~~!!(佢真係路過㗎咋…)老朋友,十世無(冇)見,想當年真係勁friend,而唯一無(冇)同佢被傳緋聞,真係神蹟(迹)。」唔知大家記唔記得,當年陳文媛做歌手嗰時,何韻詩作過首《下個密碼》畀佢㗎。

久未露面嘅BoBo睇嚟保養得唔錯,精神飽滿、同當年做藝人都冇乜點變。佢2001年出道,2006年退出娛樂圈,而2016年就同拍拖一年嘅教友結埋婚,專心做幸福人妻。