盧惠光讚曾光展：絶頂好人受人尊重
20180724
東網電視
更多新聞短片
盧惠光與段偉倫異口同聲稱讚曾光展。
藝人盧惠光亦證實曾光展死訊，他傷心表示：「係呀，佢前日離開咗。身後事由佢家人負責。我依家唔喺香港，等我返嚟再了解吓先。」談及過往點滴，他說：「我以前同佢晚晚一齊，佢係一個絶頂好人，全香港最好嘅老闆，喺電影圈百份之一百令人尊重，佢好鍾意同人飲番兩杯啤酒、同人傾偈。後期佢去咗深圳住，我哋就少咗聯絡，不過佢耐唔耐都會返嚟，我哋都有食飯。最近佢病咗都返咗嚟，最後兩次都有同佢食過飯。」
段偉倫讚為人開朗好勤力
曾與曾光展合資酒吧的藝人段偉倫，得悉好友死訊後感到相當愕然：「好難過、好惋惜……佢為人好開朗、好勤力。」二人於1988年認識，1990年更一同合資開酒吧，他說：「對上一次見佢大約係去年年尾，當時佢精神都幾好，只係瘦咗啲，唔覺佢身體有咩問題。」他又感慨表示近十年身邊好友一個一個相繼離開，慨嘆生老病死是必經階段：「可能今日你見到個朋友，後日就走咗，所以要學識用平常心去面對。」
----------------------------
東網巨星開咗ig喇，大家快啲follow啦！