同張振朗有機？胡定欣自爆面相啱姊弟戀

無綫劇集《宮心計2深宮計》晚上在將軍澳電視城筵開12席舉行祝捷會，慶祝劇集至今是2018年無綫劇集收視之冠，全劇平均7天跨平台總收視28.6點，大結局7天跨平台總收視35.6點，在內地騰訊視頻國粵語播放量更超過35億。

胡定欣最近與張振朗一齊欣賞單立文的搖滾騷傳緋聞，受訪時傳媒恭喜有新戀情，她笑說：「恭喜我哋《深宮計》有35.6點呀？嗰單新聞好好笑，唔係真嘅，大家聯想多咗。」又否認送蛋糕賀張振朗生日。她續指與張振朗因合作《包青天再起風雲》而認識，大家合作很很開心，大讚他是新一代好演員，是個很有上進心的男仔，但講到發展機會她則否認說：「唔好將所有朋友列入緋聞裏面，我就嚟冇朋友。同張振朗都傾得埋，係朋友、同事，大家唔好剥削咗做朋友嘅機會，如果個個朋友都係緋聞對象就好唔得閒。」她又指拍拖年齡不是最大問題，最重要是溝通，一直也希望遇到合適的人：「好耐之前都試過有段關係對方細過我，蘇民峰都話我面相好強，適合年輕啲嘅人。」