約埋嘉穎傾!樂易玲爆陳凱琳3月就請8月假

20180725
東網電視
更多新聞短片
原來陳凱琳一末請咗8月嘅假。

無綫高層樂易玲今晚出席無綫活動,當然被追問有關鄭嘉穎、陳凱琳的婚期,而她說了一句「要查一查」之後,真的即場打電話,講完電話之後表示:「Grace(陳凱琳)的確3月嘅時候,請咗8月嘅假,已經批咗,佢仲話會約埋嘉穎同我傾偈,但嘉穎都未返香港,8月個假批咗好短時間,初頭都唔知乜嘢事,依家都知,聽啲同事講,同一時間都有啲同事請假。(邊個請呀?)都係嘉穎啲好兄弟、姊妹咁,個假唔長好短,不過結婚都係一日嘅啫!(仲話會過埋嘉穎生日喎!)係喎,所以開頭都唔知乜嘢事,仲以為慶祝生日,不過,結婚都係你哋講,要等男方返嚟香港,同我食飯先可以證實。」

問有否獲嘉穎親自請?她說:「佢都未返香港,如果係都開心嘅,知道嘉穎好認真,兩個都好愛,之前《飛虎之潛行極戰》開工,嘉穎冇嚟探,但都知道佢畀咗好多意見Grace,佢都做得好好。」至於有傳陳凱琳有孕,樂易玲則表示之前她不在港,找了同事問女方,對方已否認。

----------------------------
東網巨星開咗ig喇,大家快啲follow啦!
 https://bit.ly/2JjSVcr