四缺一！SKY重組搞15周年音樂會

2003年曾經出道的男子組合SKY，由隊長Gilbert、Yani、Kin、Bong及Bonald五位男生組成，今日SKY在電台宣布將合體舉行15周年音樂會，不過成員之一的Gilbert就堅拒復出。

據知今年3月Bonald結婚，其餘四子應邀出席婚宴，當晚更孖新郎哥一齊上台高歌助慶，並在facebook開live，場面非常感動。經理人Tim事後約齊大家出來飯局聚舊，原來五子拆夥後，十幾年來都未試過齊人碰面，直至Bonald結婚才聚首一堂。

他們閒談中提議合體搞一個15周年紀念騷，不過目前任職游泳教練的Gilbert無意復出，經埋人游說不成，大家也尊重其意願。Tim又透露Yani信教後已改名為Moses，現職為地產經紀，而Bong就成為排舞老師，Bonald是健身教練，Kin則擔任主持人。為了紀念騷，四子找來歌手馮允謙為他們寫了首新歌《趁今天有空》。