「回水杯」出事!黃子華籲買前請三思

20180728
東網電視
更多新聞短片
黃子華在社交網表示「回水杯」有瑕疵。
藝人黃子華最後一次開talk騷,無論佢嘅飛定係現場賣嘅紀念品都大受粉絲歡迎,更有人不惜用炒價購買!日前就有位網民喺網上放售子華騷嘅「回水杯」,仲聲稱子華用過,該網民自認「親自在場館偷回來的」,故將原價100元的回水杯加價成599蚊人仔。
「回水杯」有瑕疵
子華未有就「回水杯被竊」事件回應,但「回水杯」就真係出咗事,子華喺社交網發出特別通知,他說:「收到剛送抵場館之『回水杯』,經檢查後發現,因製造商在生產『回水杯』的過程中出現問題,所以由七月二十八日開始及以後出售之回水杯,將會有所瑕疵。介意者請於排隊購買前三思,謝謝各位包涵見諒!」
另外,有一位觀眾在子華社交網發文指購買了一張「輪椅位」的飛予家中行動不便的老人家,惟最終該老人不能同行,故將這張「輪椅位」飛轉售予一位行動不便的朋友,但該朋友未有坐輪椅進場,而且未能出示醫生證明,最終被有關機構拒絕入場。但該名觀眾解釋指其朋友期間有使用輪椅,但唔係全程,就有關機構被界定為非輪椅使用者而被拒入場,大感不滿。