25年冇搞聚會！蔡興麟做乜愧對香港歌迷？
20180728
東網電視
更多新聞短片
蔡興麟自覺愧對香港歌迷。
歌手蔡興麟到沙田出席歌迷聚會活動，他透露已有25年未有正式與歌迷聚會：「都係上完《流行經典50年》，之後見反應唔錯，所以就約返Fans Club出嚟聚會，約吓愈來愈多人，都想搵個大啲地方，但我冇期，因為要返北京搞熱氣球節巡迴演唱會，之後會再去烏克蘭拍戲。」蔡興麟透露九月會再返港舉行另一活動，屈時會宣布舉行演唱會，亦會忙準備廣東新歌，問是否全面回歸香港樂壇？他說：「其實我從來冇離開，只係我愧對香港歌迷，一直冇出廣東新歌，今次係應粉絲要求再出歌。」
蔡興麟將會推出一張新唱片，希望能以慈善性質推出：「新歌之外會喺自己啲唱片抽啲歌重唱，亦有另一個方案會唱朋友嘅歌，不過出自己歌先，朋友呢隻就等到19年。（幾時搞演唱會？）希望喺年底，因為都想係慈善性質，所有嘢規劃中，據我所知場地都好緊張。（想唱紅館？）三年內都冇期！我想搞數千人演唱會，都係慈善性質，好開心班朋友都話支持。（搵邊啲朋友做嘉賓？）我賣吓關子先！」
----------------------------
東網巨星開咗ig喇，大家快啲follow啦！