腰患冇得好！張偉文開騷要坐喺度唱
20180729
東網電視
更多新聞短片
張偉文腰患唔會好番。
「靚聲王」張偉文為《流行經典50年》錄影，一直受腰患困擾的他表示情況雖有好轉，但仍要用柺杖行路，若行遠路就要靠輪椅代步，問到會否有機會完全康復？他坦言：「唔好妄想，我都65歲人，醫生話盡人事。因為第一次做腰椎手術唔係做得咁好，導致個骨冇收口，有舊好重要嘅骨已經枯咗，要靠個鈦金屬骨同12粒螺絲去固定，不過今次個手術做得比較牢固，應該唔會再復發。已經做咗10個月物理治療，冇得再做，唔會好番，只係希望控制住佢，唔好差落去。我每日都會喺屋企行2、3千步，令對腳唔好萎縮。」
講到工作，他透露將於9到10月共有七場演唱會：「我坐喺度唱歌就冇問題，唔可以企，因為花咗啲力氣企，就冇氣唱歌。如果觀眾接受我，我就繼續唱，如果冇人再買飛，我就退休囉！」
----------------------------
東網巨星開咗ig喇，大家快啲follow啦！