慘被戴綠帽!洪永城屋企樓下撞破女友偷食

20180801
東網電視
更多新聞短片
綠帽唔怕戴,最緊要除得快!

洪永城(Tony)與林師傑主演的無綫微電影《愛情沒有來的時候》即將播出,二人在現實生活中的感情世界截然不同,林師傑與女友歐陽巧瑩年底將完成人生大事,然而洪永城在愛情路上仍然交白卷,Tony被問可曾因工作忙碌而忽略女友令感情無疾而終?他未有指明道姓的說:「唔可以話係分手原因,但係係其中一個元素!」

至於可有深刻的分手經歷?他透露曾經有一任女友偷食被他發現:「試過有一次,我打電話畀當時女友,佢話佢係鰂魚涌,但轉個頭我見到佢係我屋苑大廈出現,拖住第二個男仔,原來佢個第三者同我住同一棟大廈!」

收收埋埋險分手

林師傑則透露曾經因為不肯講心底話令女友嬲爆,以分手作脅迫他講感受:「我同Tam Tam(歐陽巧瑩)係一凹一凸,我好多嘢收埋唔講,佢就好想我講出嚟令自己舒服啲,結果有一次我死都唔肯講,佢將一本我哋嘅相簿擺喺巴士站,如果我唔過去拎就以後都唔好見,我一去到就見到佢,佢鬧我係咪犯賤,點解咁在乎都唔肯講出嚟!」