李璧琦出新歌為自己慶生　等男友送驚喜

藝員李璧琦（Becky）在將軍澳電視城出席八月星辰活動，最近推出首張音樂專輯的她透露會在11日生日推出一首新歌為自己慶生，問到男朋友會怎樣為她慶祝？Becky笑說：「如果唔使開工會同班朋友一齊慶祝，因為好耐都冇喺香港過生日。（會唔會驚喜求婚？）驚喜係咪到時先驚喜。（驚喜求婚會唔會答應？）又未諗過，你依家提起我諗定先。」

Becky最近忙於酷熱下開工拍攝劇集《C9特工》， 當中有不少動作場面，稍後會有落水戲，不過卻是要穿着皮褸落水。