【中西合璧】何傲兒彈古箏Jam英文歌
20180803
東網電視
更多新聞短片
何傲兒想試吓中西合璧。
藝人何傲兒今晚出席仁濟活動，佢透露今日係表演嘉賓，將會獻唱中文同埋英文嘅歌曲，問到點解佢唔表演埋樂器？佢話：「今日呢個場合，大家都係聽歌多啲，如果有機會嘅話都想試吓表演古箏，我由中學開始學到依家，都想試吓中西合璧，用古箏Jam英文歌。其實之前都有睇許冠傑同胡渭康演唱會表演過彈古箏。」
佢又透露早前着住孖寶兄弟衫彈古箏拍片，不過就未出街：「因為自己都好鍾意呢個角色，同埋冇見過人哋用古箏彈孖寶兄弟嗰首歌。（開音樂會？）有機會我都想試吓，依家都有同翟威廉佢哋唱Live。」
講到佢主演嘅內地劇《歸去來》大受歡迎，佢話依家中港地走：「喺套劇都係做海外留學生，好適合今日嘅活動。（主力搵人仔？）唔係，香港係我嘅根，有機會我都會返內地同香港，如果平時冇乜嘢，我都會留喺香港。」
----------------------------
東網巨星開咗ig喇，大家快啲follow啦！