6月7月8月都生日　到底方媛今年貴庚？

天王郭富城太太方媛嘅生日日期一直都係一個謎，之前佢曾經喺微博表示自己1988年6月11日出世，但之後喺佢同郭富城嘅「擬結婚通知書」上顯示，佢嘅出生日期又變咗1987年7月6日，點知尋日（5日）佢突然喺社交網祝自己生日快樂，一個人竟然有三個唔同嘅生日日期，真係好亂呀！

唔少粉絲都非常疑惑，而方媛都有喺留言解話，話自己原來係計農曆生日，並表示係喺閨月嘅農曆6月11日出世。