黑絲變白絲　江美儀護士look做阿伯殺手

無綫藝員江美儀為新劇《殺手》在將軍澳電視城進行造型及拜神儀式，她拍擺這劇將與公司轉為部頭合約。劇中飾演一樓一鳳妓女的她以護士look造型亮相，戲中還會有OL、動漫cosplay等更爆的造型，她笑說：「今次勁過之前黑絲，係入行以嚟最多造型，監製打畀我嗰陣，我仲以為佢打錯電話。」

江美儀為演好妓女角色，事前專程拜訪「鳳姐」並取經，她說：「今次係阿伯殺手，原來真實幫襯唔止阿伯，仲有好多斯文後生仔，所以我同監製講拍嗰陣要搵個熟啲嘅後生仔，因為要埋身接觸，熟啲就唔使溝通。」黎耀祥是劇中江美儀的恩客，劇中還有湯水服侍。江美儀續指自己不介意演妓女角色，認為演員應感恩能演到與生活不相關的角色。