望當營養師　歐倩怡助郭晉安打造白色強人

育有一仔一女的藝人歐倩怡在電台節目分享湊仔心得，她表示一家四口剛與另一個家庭去泰國布吉旅遊8日，正攻讀營養學學士學位的她笑言只有10日暑假：「呢次係第二個Bachelor（學士學位），之前讀市場管理、商科，安仔（老公郭晉安）都怕咗我，知道我又唔見人！我好鍾意讀書。（小朋友受到你感染而鍾意讀書？）希望可以感染到佢哋，依家年代連同讀書都唔同咗，佢哋用iPad篤篤篤咁，計數又係、學英文又係。（佢哋讀書好叻？）細女喺學期尾拎咗嗰學術獎，平時見佢喺屋企都冇點讀，都好Surprise（驚喜）！」

同老公研究劇本

講到現時兩個小朋友已經升讀小學，歐倩怡笑言終於「甩身」，自己可以有時間去讀書：「一啲都唔緊張，佢哋讀國際學校都好輕鬆，暑假功課都係睇書，佢哋睇好多書，全部都係佢哋自己鍾意嘅角色，好似大仔鍾意睇Harry Potter（哈利波特）。」問全家只得郭晉安不愛睇書？她即大笑謂：「佢會同我講佢疊劇本幾厚呀！仲要背晒佢，早排佢拍《白色強人》都有好多醫學嘢，都有一齊研究。」

重戰幕前睇時機

談及「重出江湖」拍戲，歐倩怡透露經理人經常追問她這個問題，不過她現時的目標是想成為一名營養師，為實現「願望」而進修了很多醫學課程：「自己16歲就入行，人生除咗娛樂圈之外都好豐富，有好多嘢可以做，咩都可以試吓，但（拍戲）機會嚟、時間又啱都會試。」

----------------------------

東網巨星開咗ig喇，大家快啲follow啦！

https://bit.ly/2JjSVcr