《韓薦》：D.O.演落難世子邂逅南志鉉

新一期《韓薦》為大家推介人氣男團EXO成員D.O.同南志鉉合作嘅tvN古裝劇《百日的郎君》，首次擔正拍劇嘅D.O.飾演王世子，遇襲後負傷流落民間，仲邂逅女主角南志鉉並對佢一見鍾情。音樂方面為會大家介紹Big Bang師弟iKON嘅新歌《KILLING ME》，由隊長B.I包辦曲詞，講戀人分手後，一直掛住對方嘅失落心情。

而韓片就會推介聽日正式公映嘅《與神同行》下集《與神同行：終極審判》，導演金容華就喺「序幕篇」同「陽間篇」製作花絮入面率先披露部分內容！今集亦都會同大家分享上周五播出嗰集音樂節目《Music Bank》，泫雅同Triple H師弟E'Dawn公開戀情後，一齊上節目演繹新歌《RETRO FUTURE》，兩人仲公然放閃添！