搭港鐵唔好掛住撳手機！因為隨時碰着他...
20180809
東網電視
更多新聞短片
搭港鐵時不妨留意吓周圍，因為隨時遇到藝人㗎！
香港人每日都不斷趕！趕！趕！有時趕起上嚟，真係唔理乜嘢身份，就算係天王、天后，都一樣走去搭港鐵。當然有啲會戴晒口罩，免得被人認得，但有啲都好大方，好似周潤發、王祖藍、同張智霖兩公婆咁，就算有粉絲嚟影相，都一樣咁享受搭港鐵嘅過程。
王祖藍
藝人王祖藍吸金力咁強，住過億豪宅都搭港鐵，真係藝人中嘅典範！見佢戴住頭箍、孭斜孭袋，仲踢埋拖鞋，真係夠晒貼地！
周潤發
不過講到最鍾意坐港鐵嘅，就非周潤發莫屬，經常都畀網民野生捕獲。其實發哥好樂意同大家Selfie，仲會自己主動揸埋機，自拍技術相當好！不過講真，發哥都曾經話，有時佢搭嗰陣都冇乜人見到，因為個個掛住睇手機。
謝安琪、張繼聰
張繼聰同謝安琪呢兩公婆間唔中都會拍拖出巡，仲會影啲溫馨合照放上社交網。而早前謝安琪就曾經單拖搭港鐵，心情好靚嘅佢仲戴住寬邊太陽帽嘟嘴自拍，大擺唔同甫士。
陳慧琳
天后陳慧琳同好友雷頌德一齊搭地鐵，仲喺社交網分享照片，見到佢哋好開心咁擺晒甫士，不過就被發現原來係倫敦嘅地鐵，唔知Kelly幾時搭港鐵呢？
----------------------------
東網巨星開咗ig喇，大家快啲follow啦！