譚嘉儀晒白色三點式　竟然用……遮事業線？

歌手譚嘉儀向來都密實打扮示人，呢排趁住陽光咁好，佢嚟個大解放着上白色三點式泳衣游船河，小蠻腰就有啦，咁點解睇唔到「事業線」嘅？譚嘉儀留言：「唔知船牌比起電單車牌會不會難考好多呢？#船長嘉儀 #考番個船牌先」

望多兩望發現譚嘉儀原來拎住個玻璃杯放喺個胸前，搞到大家睇唔到條「事業線」，估唔到佢一早有先知，知道網民會留言話討厭隻杯，佢一早已經留定言：「大家唔好討厭個杯啦！」唔少網友都問點解要咁做，仲問譚嘉儀究竟幾時先可以大方啲晒事業線呢？