【血氣方剛】丁子朗搞乜浸溫泉都「硬晒」?

20180810
東網電視
更多新聞短片
丁子朗浸電療溫泉嗰陣成個人硬晒!
藝人森美、吳若希、麥美恩、丁子朗今日到將軍澳出席節目《森美旅行團》的記者會,講到在節目中再浸溫泉騷肌,森美笑說:「今次好啲,有個大隻仔丁子朗,所以我唔使操得咁Fit,佢就毛巾以外Fit啲,我就毛巾以內Fit啲。」他表示今次到日本浴堂浸溫泉,試了鬆弛肌肉的電療溫泉,更大爆丁子朗電到「硬晒」,他笑說:「後生仔血氣方剛,呢啲好講定力嘅,我就淨係電到手腳硬啫,但係我睇唔到呀!」
吳若希有「特殊癖好」
雖然森美經常整蠱丁子朗,但亦大讚他陽光,感覺好像帶兒子去旅行。他又大爆拍檔吳若希「特殊癖好」,他笑說:「佢經常喺大家坐車休息嘅時候同個女視像,仲會叫老公聞同咬個女隻腳,睇得出佢好肉緊個女,但就嘈住大家瞓覺。」
想向森美求救
而丁子朗在旅程中成為被玩對象,笑料百出,問他是否經常畀一班姐姐欺負?他笑說:「冇,佢哋個個都好錫我,呢個旅程好開心不停咁笑。」提到他被爆浸溫泉時浸到「硬晒」,他笑說:「真係會硬晒㗎,因為啲水有啲電,個身體真係郁唔到,唔係扮出嚟,我仲想向森美大哥求救。」吳若希即笑說:「姐姐真係好鍾意聽你講呢一句!」
渺小先顯出大哥偉大
講到森美笑言毛巾以內比他Fit,丁子朗笑說:「好難比較,可能佢肌肉操練得多。我年紀細經驗尚淺,我喺佢面前梗係要渺小啲,先顯出大哥嘅偉大。」
----------------------------
東網巨星開咗ig喇,大家快啲follow啦!
東網已全面支援360影片及相片,讓你全方位睇盡新聞大事,恍如置身現場,立即登入東網360網頁: http://on.cc/360/
如仍未更新東網App,請按此連結收睇360影片: https://bit.ly/2nseHOH