獲優先處理錄碟！朱紫嬈大讚葉振棠Nice
20180811
東網電視
更多新聞短片
朱紫嬈大讚葉振棠好好人。
歌手朱紫嬈和葉振棠到視聽展宣傳Hi-Fi碟，朱紫嬈多謝葉振棠為她監製及錄音新碟：「佢好好，幫我錄咗隻碟先搞佢自己個隻，有時我都驚錄音搞到佢晏食飯，但佢都話唔緊要。（點樣多謝佢？）之後會同公司老闆請棠哥食番餐好嘅！」她透露是首次與對方合作：「覺得佢好Nice，其實我10年前喺一個演唱會見過佢，我10年後問番佢記唔記得我，佢仲話記得！」葉振棠笑言：「我真係記得㗎！證明我冇老人癡呆。」
開騷唔係為錢
講到葉振棠下月將與李龍基及陳浩德開騷，他表示排得七七八八，大家沒有爭歌唱，並希望演唱會下年可以舉行Part 2。他透露明年2月會與香港中樂團在文化中心合作開騷，又指入紙紅館6次都不批，而明年底就應該會舉行50周年演唱會。講到他很多騷開應該豬籠入水，他笑言：「唔係計錢，係可以同歌迷見面，錢財身外物。」
----------------------------
東網巨星開咗ig喇，大家快啲follow啦！