為余德丞食齋！李佳芯：希望佢大步檻過
20180811
東網電視
更多新聞短片
李佳芯為余德丞食齋，好開心對方度過危險期！
藝人李佳芯（Ali）出席活動，講到余德丞（Dickson）昏迷兩日終度過危險期，她直言很鼓舞：「因為自己都擔心足咁耐，有同佢合作過，佢係Happy Boy嚟，係好擔心，我只可以盡量做一啲嘢幫助佢，例如我已經食齋。（因為Dickson？）係呀，希望佢大步檻過！」
男Fans大嗌想生B
而她在現場有與Fans玩遊戲，其中在求婚環節有男Fans大呼：「AliBB我好鍾意你！好似劇入面咁，希望同你生個（BB）一生一世！」Ali笑言：「原來你睇中允豬（劇中女兒名字）。」
男友求婚唔使大龍鳳
Ali亦有即場獻唱《給自己的情書》，事後問記者唱得如何，獲大家讚有進步即開心說：「有進步就得喇！」問到若男友陳炳銓像Fans說這番求婚說話是否即答應？她笑言：「男朋友都唔講呢啲說話，通常對男友就另一回事，唔需要搞太多嘢，活動係為效果，正常簡簡單單就得喇，唔使又跪地又唱歌、一班人走出嚟跳舞咁，我會招架唔到，因為平時工作已經搞咁多嘢，只要畀我知係求婚就得。」
希望唔太遲嫁
講到鄭嘉穎和陳凱琳即將結婚，何時到她？她說戥陳凱琳開心找到Mr. Right，並說：「我希望睇吓有冇呢個福氣，其實我都遲啦，希望唔好太遲，但都工作行先！」
----------------------------
東網巨星開咗ig喇，大家快啲follow啦！