親手噴香水　石詠莉新碟附送香味書籤

歌手石詠莉到視聽展宣傳新碟，表示首批印了3000隻，現時成績好好，希望可以加印第二批。她亦謂為歌迷準備了小禮物，隨機有500隻碟會附送一張有香味的粉紅色書籤，問到為何有這個構思？她表示：「因為喺日本影咗好多靚相，所以唔想浪費，畀大家可以聽歌睇相之餘，都可以有嗅覺享受。」她亦謂有歌迷投訴抽不中，笑言叫他們聞隻碟。

她亦謂書籤的香味是自己用開的香水味，如有日本竹味、花香味等，笑言歌迷可以聞到她的味。問到書籤可是自己噴香味？她大呻：「係呀，好辛苦。」問到老公鄧健泓有冇幫手噴？她笑言：「佢話想噴，但佢好多汗，我驚佢沾污咗啲書籤。」她亦謂今次是全原創大碟，當中找了韓國爵士組合Winterplay寫歌，坦言很重皮：「真係好多謝公司不惜工本，今次都學到好多嘢，我哋文化唔同，佢哋真係好專業。」