再做吳岱融老婆 龔慈恩幫囡囡?撈
20180812
東網電視
更多新聞短片
龔慈恩想同囡囡拍劇過招。
藝人龔慈恩、吳岱融及馮素波等在九龍仔公園為無綫劇集《牛下女高音》取景。吳岱融與龔慈恩飾演夫婦，兩人在長櫈閒話家常，甚有默契。龔慈恩透露今次是相隔近20年後重返無綫拍劇：「都擔心唔習慣㗎，好在劇組喺時間上編排得好好，唔會完全冇覺瞓。而且見番好多由細睇住我大嘅工作人員，親切感蓋過唔習慣，當然岱融都好照顧我。」龔慈恩的女兒林愷鈴近年加入娛樂圈，她坦言想跟女兒拍劇，應該很好玩：「去年有製作單位搵我哋合作，由囡囡飾演我嘅年輕版，不過佢要考試冇時間。我有時都會幫囡囡睇劇本，大家會傾吓，發覺佢同我睇嘅角度會有啲唔同，有時我會喺佢身上學到嘢。」
抱抱錫額頭
至於吳岱融透露跟龔慈恩相識多年，是繼《飛虎之潛行極戰》後再飾演夫婦，他笑言可能監製覺得兩人相襯，問可有親熱戲？他說：「頂多係抱吓佢同錫吓額頭囉！」在現場舞劍及耍棍的他稱，以前拍戲有練過，輕易上手。
此外，當日適逢馮素波生日，一眾演員及幕後送上生日蛋糕為她慶祝74歲，揚言永不言休的她指生日願望是身體健康，而養生秘訣是勤做瑜伽。
----------------------------
東網巨星開咗ig喇，大家快啲follow啦！