劉畊宏雪山爆肌咀老婆 仔仔寫生搶晒鏡

20180812
東網電視
更多新聞短片
呢啲咪霸氣囉!
台灣藝人劉畊宏近日同老婆王婉霏、大仔劉宇恩,聯同一大班好友包括鍾麗緹一家、吳宗憲等齊齊去旅行。呢日劉畊宏晒出旅行相,原來佢哋去咗瑞士!相中見劉畊宏一行人喺馬特洪峰(Matterhorn)嘅山景前瘋狂影相,其中劉畊宏唔止同老婆肉緊攬到實一實兼咀嘴「放閃」,佢仲除衫大晒肌肉,真係勁吸睛!
不過講吸睛都唔及仔仔劉宇恩,事關佢喺山景前畫畫寫生,雖然睇唔到佢嘅大作,但淨係睇佢咁認真畫畫,就feel到佢幾有藝術氣息。劉畊宏亦有喺留言指仔仔畫畫靚之餘,影相都有一手:「6歲的小宇恩在看着馬特洪峰的雪山景…開始寫生繪畫了…還幫我跟@王婉霏 拍出很浪漫的照片…跟其他第一次碰面的藝人也都能玩在一起…他真的長大了…出來玩也是很好的小幫手喔!」