舊愛結婚了　佘詩曼自爆搵到合二為一的人

今日係藝人鄭嘉穎同陳凱琳喺峇里拉埋天窗嘅日子，昔日嘅緋聞女友佘詩曼（阿佘）就喺社交網發文話感謝有一個人同佢合二為一，仲話同佢惺惺相惜咁話，嘩！究竟係邊個？不過大家可以冷靜，原來佢所指嘅係佢御用國語對白嘅配音員蘇柏麗呀！日前阿佘就同佢一齊上內地節目，仲晒出二人合照，並留言：「我們遠隔萬里卻惺惺相惜，我們各自感悟人生卻又經常交疊體驗人生，我很享受我們的關係。一個我、一個你，在螢幕我們合二為一！」網民都話最希望阿佘真係早日搵到佢愛嘅人呀！