北京遇險！唐貝詩夜晚搭車被司機…

藝人唐貝詩出席活動時透露剛從北京返港，早前在北京電影學院進修戲劇一個月，笑言每日都像軍訓：「每朝6點起身，9點上堂，上好多個鐘，加上北京塞車嚴重，每日坐車要3個鐘，返到酒店又半夜，不過都值得，學到好多嘢。無論台詞、表演、聲樂、儀態各方面都有進步，仲有朗誦班，要字正腔圓又要有感情，實在唔容易。」

她直言在北京遇上驚險事，其中一晚坐的士時被司機喪撩：「佢口花花問我有冇男友，又話想要我電話號碼，我好驚，呃佢話自己結咗婚。呢件事令我更覺得一個女仔喺外地坐的士要好小心，安全意識要提高，例如一上車要記低車牌，同埋當住司機面打畀屋企人，話已經上咗車。」