冇去「穎琳」婚禮?謝安琪:大家唔係太熟

20180812
東網電視
更多新聞短片
原來唔太熟…
歌手謝安琪(Kay)出席音樂活動,表示自己6歲就學彈鋼琴,自小就靠音樂提起勁來。她又認為音樂對小朋友成長很重要,問到一對仔女可都喜歡音樂?她表示:「我覺得個個小朋友都鍾意音樂,佢哋都有音樂天分,有時我喺屋企都會同佢哋jam歌、打鼓、彈結他、彈琴。(你哋可以夾band喎。)有幾隻腳㗎!但囡囡就未識嘅,淨係識整啲ad-lib(
即興),唉呀唉呀幾下。」問到可有意搵仔女featuring唱歌?她表示:「未必,因為我同麥浚龍合作啲歌題材比較沉重,暫時未有小朋友角色。」
而提到曾合作劇集《殭》的鄭嘉穎和陳凱琳(Grace)今日在峇里結婚,Kay表示已向他們送上祝福:「好戥佢哋開心,睇住佢哋喺套劇第一場戲就識。」問到當時可有發現他們好有愛?她笑言:「我可能遲鈍啲,但Grace都有同我講覺得係緣分,因為佢哋第一場戲就係喺教堂拍,覺得好似有預兆會走入教堂,依家好似美夢成真。(陳凱琳同你講?)佢都有喺網上講。(佢哋冇請你去飲?)同佢哋唔係太熟。」
問到有傳懷孕的Grace可有向她請教做媽咪心得?她笑言:「我哋唔係太熟,唔會講呢啲,但佢哋會有打算㗎啦。」
----------------------------
東網巨星開咗ig喇,大家快啲follow啦!