得罪兩岸網民 宋芸樺潛水十日笑口回歸

20180813
東網電視
更多新聞短片
之前畀兩岸唔少網民炮轟。
台灣女星宋芸樺因為曾經喺訪問回答「最喜歡的國家」時,口快快答咗「台灣」而觸怒大批內地網民,之後佢喺社交網發文澄清,又惹來台灣網民嘅不滿,搞到變咗「豬八戒照鏡」兩面不是人!事隔十日,佢終於更新微博,不過今次就未有再提及此事,佢晒出三張自拍照,並留言:「大家週末都在做甚麼呢?不管做甚麼,都要記得笑一笑唷!」似乎心情未受負面評論影響。唔少粉絲都喺留言表示為佢早前發生嘅事而擔心,但依家見偶像終於回歸,先放下心頭大石。
---------------------------
東網巨星開咗ig喇,大家快啲follow啦!