老公前經理人罪成 袁詠儀：個天要真相大白
20180813
東網電視
更多新聞短片
靚靚相信香港嘅司法制度。
影后袁詠儀（靚靚）下午在柴灣接受陳海琪電視節目《大星講》訪問，靚靚被讚收身成功，她表示：「因為準備緊拍套戲，導演要求我起初纖瘦，下半段戲先至圓潤番，所以我用咗個零月減咗10磅。不過因為有啲變數，政策又唔同咗，拍攝要延後，可能10月先開工，對我嚟講keep難過減（肥）。（拍完套戲都會保持身段？）可能會肥番少少，有啲油水好啲。」
談到老公張智霖的前經理人官司獲判有罪，並於周五宣判，她坦言：「我哋只係以證人身份配合律政署嘅調查啫！我相信香港嘅司法制度係完善及合理。（你日後幫老公睇緊啲合約？）我不嬲都唔睇，今次係咁啱有人向我投訴，好似個天要真相大白咁。呢件事經歷咗4年，希望依家大家都可以回歸正常工作。今年因為配合審訊嘅關係，我哋都冇得同個仔去太長嘅旅行。」
----------------------------
東網巨星開咗ig喇，大家快啲follow啦！