TVB唔斟合作?黃秋生爆料:驚我封殺吖嘛

20180815
東網電視
更多新聞短片
黃秋生話有高層話唔好喎!

藝人黃秋生到ViuTV接受陳海琪《大星講》節目訪問,問到有甚麼秘密會爆?他表示:「唔知喎,都係傾吓偈,佢問我有冇咩唔問得,我話冇嘢唔問得,問題係我答唔答啫。(你有咩唔答?)唔知㗎,不過大家覺得我口沒遮攔,如果我唔答得可能係啲高度機密、國防機密。」講到他之前忙完舞台劇,他表示:「依家傾緊將來仲繼唔繼續搞,香港做舞台劇真係好難生存,但如果唔做舞台劇嘅話我就退休、退出㗎啦,我都冇嘢做,電影電視都冇。(TVB冇搵你?)TVB唔會啦,驚我封殺吖嘛,聽聞唔知乜嘢高層話唔好。」

唔夠杜汶澤叻

問到可會像杜汶澤般自己搞節目?他表示:「佢好市場,好多人鍾意睇佢啲嘢,我風格唔同,我唔夠佢叻,佢可以搵到兩個事業心咁強嘅人,我半個都冇。(你係咪都想搵?)係男人都想搵啦,我話唔想真係虛偽,不過想還想,諗吓好啦,屋企都冇得返呀。」

爆媽咪係自我了斷高手

至於問到何時會去澳洲探同父異母的哥哥?他表示:「廿幾號會過去。(會多啲返去探佢哋?) 可能會。」記者表示見多一次得一次,他笑言:「乜講啲咁嘅嘢。」隨即表示人生就是這樣,遲早都會死,又謂曾有自殺經驗的媽媽是「自我了斷高手」:「佢以前成日同我講,既然你咁都夠膽,點解唔夠膽留多晚睇下聽日嘅日出。(但佢講到呢啲道理你聽?)就係佢試過先講到畀你聽。」