【冇變番肥龍】師兄剝衫影寫真繼續騷Body
20180815
東網電視
更多新聞短片
劉浩龍大騷Fit爆身形影寫真。
歌手劉浩龍（師兄）體重曾高達180磅，更被冠以「肥龍」之名，他較早前為籌備演唱會，花了3個月時間跟教練減肥健身，每天跑步8公里，再加1小時的健身練習，終以Fit爆身形登上個唱舞台。身邊人一致認為他完Show後便會打回「圓」形，結果剛好相反，他說：「當時我收到攝影師兼老友Sunny Lau嘅留言，問我有冇興趣影『寫真』，要剝衫，好在我知道佢有老婆，屋企又有一個可愛小朋友，唔係真係會誤會，哈哈！」而Sunny則解釋認為師兄沒理由收埋自己的Body，應該將成果公諸同好。
「輕量級」健身
講到持續運動半年，不時在社交平台發放運動照片，他直言因此間接鼓勵了身邊的朋友一起做運動：「我已經減咗四十幾磅，但我跟教練健身，唔係為咗變大隻佬，反而想感染身邊人關注自己健康，我呢套健身嘅規格，只係『輕量級』，我唔係戒油戒鹽，即使要食雞胸蛋白，我會花心思烹調，令呢啲健身餐更添美味，一般人都會認為運動係一件苦事，但在我而言，我會努力從中搵到樂趣。」
食太飽失眠兼胃痛
在拍攝前一星期，他遵照教練吩咐，連續六天只吃雞胸肉和蛋白，到第七天，每隔一個小時吃一碗白飯和番薯，由於食得太飽，晚上失眠兼胃痛，算是這個減肥計劃中，唯一最難受的一天。
----------------------------
東網巨星開咗ig喇，大家快啲follow啦！