港姐：陳苑澄無懼負評繼續玩絲帶

現年23歲的候選港姐（15）陳苑澄（Tania），今天繼續出席港姐活動，曾是女團As One成員的她，早前大玩「Kiki Challenge」走出車廂大跳絲帶舞，卻換來負評而爆喊道歉。但她今天進行才藝表演，則以絲帶舞上陣而贏得「現場觀眾至Like表演」冠軍。她並未忌諱之前的負評，再次選這個項目作賽，她解釋：「一路都練習開，後來都同監商量過。（唔怕再勾起網民記憶？）事情已發生咗，冇可能好似時光機咁，過咗就當冇咗，我會努力準備之後既比賽。（攞咗獎心情會好啲？）心情穩定番，亦都了解自己嘅問題，我要Focus將來，唔想永遠被過去拉住自己。（怕被指跳絲帶舞博出位？）做錯就要認，但太多別人意見，我都唔放心上，只要做好自己。（信心受影響？）之前係低落咗，但最近做番瑜珈嚟平靜心情，盡量唔上網、唔睇留言，為呢個比賽努力準備！」