致力培養人才　鄺美雲身體力行撐慈善

藝人鄺美雲（Cally）今晚以主禮嘉賓身份出席慈善活動，受訪時她透露今年會於山東興建學校：「喺啲好偏遠嘅山區依然都係好需要（幫助），如果有能力、時間都盡力去服務。」她又表示培養人才非常重要，故都好支持本地學校的交流活動，亦都會贊助學生讀書。

講到義工服務方面，Cally指多方面都進行中，只要自己有體力、能力都會一直做落去，因為是終生職業：「將來年紀再大啲可能都未必繼續做到我嘅珠寶生意，但做義工對任何行業嘅人都係終身事業，義工服務範圍好廣，就算有一日做咗長者，都會有長者義工團，所以都好鼓勵大家做多啲義工。」