女神賣大包！唐詩詠前側後奪命泳照任人睇

藝人唐詩詠尋日（17日）罕晒三點式泳衣相，雖然係遠鏡，不過網友已經狂嗌索，仲係咁Chur佢要多幾張靚相添。點知詩詠喺今日星期六嘅朝早8點幾，大家都未有咁早起身嘅時間，就忽然為大家送上「遲來的七夕禮物」！

延續尋日嘅「正面攻擊」，今日佢連出三個Post，配文講乜唔係重點，而係佢竟然令到同一個景、同一套泳衣，居然仲可以有三重「享受」！詩詠今次就玩「全方位攻擊」，大晒玉背、事業線同長腿，總之要乜有乜，而佢都有多謝今次啲靚相係出自黃嘉樂攝影師女友Samantha手筆，成件事的確賞心悅目，唔怪得啲網友都勁畀Like，短短5個鐘就已經有逾7萬個Like，網友仲喪讚佢皮膚白滑夠晒吸睛，唔知咁嘅福利幾時有下一次呢？