首個港騷!孫耀威籌備多年:再唔開真係便秘

20180819
東網電視
更多新聞短片
孫耀威終於喺香港開騷喇!

歌手孫耀威(Eric)為11月16日在九展舉行的「孫耀威演唱會2018」開記者會,由出道支持他至今的一班歌迷來到撐場。因內部訂票已告爆滿,唱片公司即場宣布加開17號,他更獲歌迷送上歷年來和他的合照及短片,突顯其凍齡不老的厲害!他表示個唱主題名為Hysteric,除包含其名Eric外,還有歇斯底里意思,即會讓歌迷在演唱會見到他瘋癲的一面。

曾擔心冇人睇

Eric受訪表示開頭都擔心開演唱會有沒有人看,很開心未正式開始宣傳反應已經很好,已每星期做4日健身練氣,始終今次是首次在港開騷:「呢個騷自己籌備咗好多年,今年再唔開真係便秘,亦多謝歌迷一直等我,出年已經係入行25年喇。」

唔畀老婆上台

問到今次會唔會留一手畀紅館?Eric即說:「唔使留,我仲有好多手嘅,今次場地容納4千人,亦比較近距離接觸到,個唱會歇斯底里,有血有肉、有戰爭、有炮火,充滿視覺效果。(歌酬放晒做製作費?)基本冇問過歌酬,做呢個騷唔係為錢。(到時太太陳美詩會上台?)唔會,畀佢入嚟睇都算係咁喇。」不過,Eric雖然這樣說,但又好冧稱知太太喜歡他的一首《永遠保護你》,所以必定會唱給對方聽。

----------------------------
東網巨星開咗ig喇,大家快啲follow啦!
https://bit.ly/2JjSVcr