難得Family Day！胡子彤晒肌放閃
20180819
東網電視
更多新聞短片
胡子彤自誇游水勁，仲話女友歐凱錞（圓圖）都讚佢！
藝人工作繁忙，唔好話瞓教，就連同屋企人食飯都唔得閒！不過共聚天倫呢件事，點都應該要抽時間嘅！呢日藝人胡子彤難得放假，同屋企人去沙灘曬太陽同游水，打吓沙灘排球過番日，咁開心享受家庭樂，梗係要拍吓片同大家分享吓！
自誇游水好叻
喺呢條片，胡子彤大曬親情同愛情，一嚟自誇游水好叻，仲話有個女飛魚教佢游水，梗係啦，係人都知歐凱錞係你女朋友呀嘛，佢話：「我游水叻就唔使講啦，我畀人指導過啲動作游得更好，邊個教就唔使講啦，係全港數一數二游得快嘅女仔，佢讚我㗎，係肺活量差少少。」
打棒球係被迫
講完女朋友，就梗係搵胡媽媽講吓點睇個仔，胡媽媽話原來胡子彤細個唔係好曳，但就好有性格，但呢個時候胡子彤竟然話媽媽逼佢打棒球，令媽媽忍唔住反擊：「根本逼唔到，有價值㗎做球星！」胡子彤即「表錯情」以為媽媽讚佢，令胡媽媽話：「唔係呀，踩你呀！」唔少網友都話見到胡子彤同屋企人相處咁融洽真係好開心，但亦有網友重錯點，話估唔到佢咁大隻，有望成為新一代男神！
網民有話兒：
siuhixxg：我剩係見到肌肉同花豬同彤媽，放閃嗰啲我睇唔到！
Pauxxne Lxxxe：勁正喎！
Jaxxie Chxxg：胡媽媽說出重點了
yoxxresoaxxf：勁大隻！
----------------------------
東網巨星開咗ig喇，大家快啲follow啦！