志偉被TVB封殺　陸永：唔知係咪真

藝人陸永將為星期日舉行的香港小姐競選擔任司儀，他返到將軍澳電視城為節目試衫。講到再擔任香港小姐司儀，陸永說：「港姐司儀係做司儀嘅指標，同埋再同嘟姐（鄭裕玲）合作，當然好開心。」講到繼續被嘟嘟姐「魚肉」，他笑說：「今次唔止我哋農夫，仲有麥明詩、馮盈盈佢哋，佢兩個都夠畀嘟姐魚肉啦，今次舒服啲，可以分part魚肉。」

講到有傳曾志偉被無綫封殺沒有得做港姐司儀？他說：「我唔知佢係咪真係被封殺，上年我哋做都已經冇志偉。（冇得同志偉合作感到可惜？）其實一路都冇機會同志偉合作過做大騷司儀，上過佢主持嘅綜藝節目已經好開心。（港姐有乜心水？）最深刻嘅一定係（9）工藤佑采，之前big big channel節目問錯咗佢問題，原來佢爸爸已經唔喺度，之後都有同佢道歉，佢都話冇事，其他佳麗就未見晒。」