【新F4】梁靖康官鴻同心中女神講呢啲！
20180820
東網電視
更多新聞短片
新F4出動！
依家個個都係睇劇集《延禧攻略》，嚟緊仲有套《如懿傳》等緊大家，其實仲有套《流星花園》已經播到差唔多大結局，當中新一代F4四位男主角顏值高又夠高，真係吸納唔少粉絲！近日一眾演員上到內地節目《天天向上》做宣傳，其中「花澤類」官鴻同埋「馮美作」梁靖康兩個竟然面對自己心目中嘅女神緊張同流下男兒淚，成個小粉絲咁！佢話2005年知道有《超級女聲》之後，入面有個選手佢好鍾意，仲偷用媽媽嘅電話投票畀對方，原來嗰位就係周筆暢！之後竟輪到官鴻話之前細個好鐘意睇電視，仲話當時睇陳喬恩參演嘅《王子變青蛙》覺得畀到好大啟發佢，估唔到劇組竟然搵到呢兩位到現場為佢哋打打氣！
見到自己偶像，真係緊張到爆，梁靖康對住周筆暢即時口窒窒，仲講到好似同佢示愛咁：「我對你的喜歡不是那種喜歡，就是我會覺得你有的時候也可能挺累的。」搞到全場粉絲起哄！至於官鴻則對住陳喬恩話：「因為你的演繹，我可以得到一些人生的啟發，就是從一個可能比較膽小，然後變成比較勇敢的人。」覺到呢度官鴻仲眼濕濕喊添，唔少網友都話估唔到佢哋面對自己偶像會變成咁，覺得佢哋好可愛！
網民有話兒：
Jaxxs bxxnt：梁靖康真的好帥好可愛啊！ ！ ！好喜歡他。 。
Wxxll xxo：周筆暢好可爱（愛）啊 这个（話個）迷弟都痴（癡）醉了
Ixxs：官鴻看喬恩的眼神好溫暖好喜歡
nixx's ixxn xx 濃x evxxxsm：喬恩一來， 這集淚點好多……害我一直哭……
----------------------------
東網巨星開咗ig喇，大家快啲follow啦！