導演劉孝偉失聯　趙勁皓唔見七十幾萬

娛圈近日傳出電影《陰陽路》編劇劉孝偉捲入一宗金錢糾紛案，當中藝人趙勁皓自爆是「苦主」之一，他在電話中表示：「我係朋友介紹識得劉孝偉，佢話集資500萬拍慈善電影《告別之前》，拍完會畀番本金我，所以攞咗七十幾萬出嚟投資，點知有人自去年十二月五日試映後就『失蹤』，我朋友幫我去佢公司了解，發現已人去樓空，亦搵過佢外父，同樣不得要領，佢太太台灣嘅地址係假嘅，最慘係我有介紹朋友一齊投資，依家真係唔好意思。」他又謂最後發現身邊有很多相同遭遇的苦主。

而身為《告》劇出品人的王祖藍則謂：「當初劉孝偉話做慈善叫我幫手，但我就冇金錢損失。」歌手陳柏宇表示自己不是受害者。有份為《告》任編劇的董敏莉（Monie）表示已收取編劇費，之後劉孝偉曾表示願意分製作公司的股份給她，告訴她只需出面不需出錢，但Monie覺得有人在處理帳目上有些奇怪，因此斷然拒絕：「佢話賺就有得分，蝕就唔使畀，我覺得有啲怪怪地，所以冇接受。（覺得佢操守點？）一向只係傾工作，開頭唔覺得有咩問題，但到牽涉錢嘅嘢，我就覺得有啲唔恰當。」她表示電影開拍後，已跟劉孝偉沒有聯絡。至於片中兩位女演員李靖筠及談善言表示已收足片酬，但李靖筠補充，去年有警方聯絡她查問此事。

另外，警方回覆稱，自去年已接獲多年市民報案，懷疑遭一名戲劇男導師騙財，該名男導師聲稱自己是一間公司的負責人，報案人應該名男子及兩名自稱該負責人的女子邀請投資電影製作。報案人付款後，與該一男兩女失去聯絡。案件涉及款項一千萬港元，案件列作「以欺騙手段取得財產」，交由西九龍總區重案組跟進，暫未有人被捕。