惡搞祖兒造型 盧覓雪嗌就死：痛咗幾日
20180822
東網電視
更多新聞短片
媽～邊個先係雪雪呀？
藝人盧覓雪、鄺祖德及胞姊鄺靄慧到紅磡出席預防乳癌的慈善義賣活動，活動大使盧覓雪早前模仿容祖兒（Joey）拍攝活動海報，活動上她更遞腳影相，效果搞笑！她笑言並非惡搞祖兒：「係『善搞』，因為佢係第一屆大使，佢張海報好靚，大會問我介唔介意，我一啲都唔介意，最緊要係祖兒唔介意，但我相信佢哋都打晒招呼。」
提到曾與祖兒撞衫，盧覓雪坦言有告訴對方：「佢笑到碌地，我哋都係雙子座，好啱傾。呢個造型佢冇睇過，但之前撞衫佢就覺得好笑，我話佢係fashion icon，我同佢同衫即係我都係囉！」她又形容這次拍攝過程很辛苦，因為自己不像武打、運動員般柔軟：「個頭唔可以咁後，頸要出少少，條腰又拗少少，仲要遞高腳，就死！好彩攝影師幫我！化妝、set頭好耐，拍就個幾鐘，之後我返屋企即刻要浸浴，肌肉痠痛咗幾日，好誇張！」
說到爸爸因癌症逝世，盧覓雪指因此很支持活動：「冇人知邊個會有癌症，患者同家人都會好有感受，所以我會盡力幫，又有捐錢畀香港癌症基金會。」問到可擔心自己有遺傳，她認為均衡飲食很重要，即使為食仍會注意健康，沒有特別戒口，但也不會吃過量。
----------------------------
東網巨星開咗ig喇，大家快啲follow啦！