變臉？阿Sa自爆「整容」：醫生幾好手勢

藝人蔡卓妍（阿Sa）露肩谷微波現身中環的品牌活動，提到早前滑水意外撞傷左額，她透露這天要靠化妝遮住傷疤，平時就要貼去疤貼：「個整容醫生幾好手勢，分好多層縫針。（男友呵番？）佢好緊張，四圍問朋友，個整容醫生係佢搵嘅。」至於有否整其他部分？她反白眼笑說：「第日返工呀。（唔使返工就去？）都可以考慮。」

問到男友可有承諾無論變成怎樣都要她？她甜笑說：「唔好咁老土啦！（男友有冇唔畀你再滑水？）冇，我鍾意玩，可能遲啲要買個頭盔！其實所有運動都危險，我呢行又靠樣，都要護住個樣。依家唔可以浸水，沖涼都要貼住。」提到最近去短旅行，她默認與男友去：「返工辛苦呀，去蘇梅玩幾日。最近成日落雨，好擔心套戲進度，拍一日停幾日。」

----------------------------

東網巨星開咗ig喇，大家快啲follow啦！